Shillong, Rymphang 06 : Hadien palat 72 kynta ka jingiawad, ka kynhun Search & Rescue ka SDRF bad ki bahaiing hasem, kila lap ia ka metiap jong u nongtam marjot uba shah tep im ha ka jingtwa u niut ha Marten.
Ia kane ka metiap la lap na shiteng riat jong u niut ba twa bad ka met ka phad kala pra lyngkhot lyngkhai.
Kane ka metiap ka dei jong u Bah Marshal Marwein, 30 snem ka rta, uba la shah tep im ha u niut ba twa myn ha ka step sngi Saitjain.
Ki Pulit ki pyntip ba ia kane ka metiap la lapdien da ka jinglap shuwa ia u proh khlong niut ba ju rah da une u rangbah ban tan niut bad hadien la lap pat sa iaka kriah ba u ju kieng.
Ki ong ba ia kine ki tiar la lap marjan na ka jaka ba ioh sei ia ka met.
Ia ka khubor ba bniah yn sa pynmih hadien.
