Shillong, Nailur 15 : Ki bahaiing kila lap ia ka met jong I Khynnah 4 snem, ba kyrteng I Insaphira Lyngdoh Mawnai, iba la jah rngai ha ka sngi Sunday, najan ka Iingsah jong I hi kaba don ha Nongrah Nonglum.
Ia kane ka met la lap ha ka step sngi U Blei na kawei ka Iing ba dang shna thymmai ha kane ka dong. Ka jingsuba kala mih ba ine I Khynnah lehse ila shah pyniap na ka jinglap ia u maw uba la bhen na ka met jong I ha kawei ka jaka lang um ha kane ka iing ba dang shna.
Haba pynthikna ia kane ka jingjia, u Superintendent of Police Bah Vivek Syiem ula iathuh ba ki stad Forensic kila hiar sha katei ka jaka ban lum ia ki sakhi satar bad ka jingtohkit mynta kala iaid shakhmat ban pynthikna ia ki daw jong ka jingiap.
Lah ban kdew, ine I khynnah ila jah ha ka step sngi U Blei katba I dang ialehkai hala ka jong ka phyllaw iing, ha ka por ba ki Kmie Kpa ki dang ia iohthiah. Kane ka jingjah kala pynlong ia ka jingiawad mar mar ban lapdien ia ine I khynnah.
Ki Pulit kila pynlong ia ka jingtohkit kaba bniah halor kane ka jingjia.
