Shillong, Iaiong 15 : Ka kynhun Search & Rescue Team, hynne ka janmiet kila ioh ban sei ia kawei ka metiap napdeng ki ar ngut ki briew kiba shah bhen ha ki maw ba twa na u lum hapoh ka surok riat rngain hynnin ka janmiet.
U Superintendent of Police Bah Sylvester Nongtnger u pyntip ba la ioh sei ia kawei ka metiap bad ka jingpyrshang ka dang iaid shakhmat ban ioh sei sa ia kawei.
U lum ba twa ha kane ka riat kaba don ha surok na Shillong sha Dawki, kala rat ia ka kali sha riat.
Ki arngut ki briew kiba iap ki dei kiba la tip kyrteng u Seiborlang jaktung bad u K Khongjirem kiba dei na ka shnong Wahlyngkhat.
U Symbud Myntri Rangbah ba khmih ia ka Tnad PWD (Roads) uba dei ruh u MLA ka thain Bah Prestone Tynsong, ula hiar jurip ia kane ka jingjia. La iohsngew ruh ba u Bah Prestone haba ai jingbthah ia ki heh ka NHIDCL ula ong “Mem iadon jabieng ne balei”. Ula khot ruh ia ki kum ki “briew bym larkam”.
