Guwahati, Jylliew 17: Haduh 64 ngut ki nongshang kai pyrthei, khamtam ki samla pule kiba sahlut na ka jingtwa khyndew bad shlei um ha Mangal District ka Sikkim, kila ioh ban mih mynta na Mangal District ha ka jingsdang ban leit pyllait ia kiba sahkut ha ka thain da kaba pyndonkam ia ka surok ka Toong North Sikkim.
Palat 1,200 ngut ki nongshang pyrthei kynthup 15 ki bar ri kila sahkut ha Mangan district naduh 12 tarik mynta u bnai hadien ka jingshah khang lynti ki surok namar ka jingthep u lapbah kaba la pynjot ruh iaki surok bad ki lad pyniasoh hapoh ka district.
Naka liang ki bor district ka Mangan lyngba u Hem Kumar Chettri ula lamkhmat iaka kynhun iarap, kila pyntip ba palat 50 ngut ki nong shangkai la ioh ban iarap ba kin mih na Mandal District haduh mynta ka janmiet.
Naduh 12 tarik mynta u bnai, bun ki surok kiba iasoh bad ka North Sikkim kila ngat ha ka jingtwa khyndew kaba la wanrah ka jingdkut ka jingiasoh bad ka North Sikkim.
Ka jinglong jingman kala ima namar kala don ka jingkhyllem ki jingtei ba thymmai kum ka jingkieng ha Sanklang kaba pyniasoh hapdeng ka North Sikkim bad ka thain Dzongu.
Naka liang ki bor khmih ka BRO kila sdang iaki kam ban pyntrei biang ia ki surok ki ban pyniasoh biang iaka North Sikkim.
“Ki nongtrei ka BRO kila lah ban pyniasoh biang iaka Chungthang bad ka Mangan lyngba ka jingkieng ba thymmai na Toong nalor ka wah Teesta. Ka jingsted treikam daka kynhun 758 BRTF hapoh ka Project Swastik la lah ban pyniasoh biang” la ong u ophisar ka BRO.
Hynrei bun ki surok bah kiba iasoh bad ka North Sikkim kum ka Dikchu-Sanklang-Toong, Mangan-Sanklang, Singtham-Rangrang, bad ka Rangrang-Toong ki dang sahkut namar ka jingtwa khyndew.
U lapbah ula wanrah ka jingshlei um ha bun ki bynta ka Jylla Sikkim kaba la wanrah ka jingshah pynjulor ki ing, ki jingdon jingem bad ki kam ki jam.
Naka liang u Brigadier Manoj Gupta, u chief engineer ka Project Swastik jong ka BRO ha ryngkat bad ka kynhun kila sdang ka jingpynkhreh iaka detailed report jong ka jingshlei um kaba la ktah iaka Jylla Sikkim.
