Shillong, K’lyngkot 12 : U Myntri ka Tnad Pule Puthi Bah Lahkmen Rymbui ula pynpaw ia ka jingbym thikna halor ka rai jong ka Meghalaya Transports Corporation (MTC) ban pynsangeh noh ia ka jingshakri ki bos skul naduh ka 1 tarik Iaiong, 2026.
“Ngim pat ioh kylli ia kaei ka daw ba ka MTC kala pynsangeh. Kumta, tad hdien ba nga tip ia ki daw, ka long kaba eh ia nga ban kynthoh halor kane” ong u Bah Lahkmen ha ka sngi Nyngkong haba jubab ia ka jingkylli halor ka rai ka MTC kaba la wanrah ia ka jingsngewkhia hapdeng ki Kmie Kpa, kiba khuslai halor ka jinglah ban kyrshan bad shaniah ia kiwei pat ki kali skul kynthup ki bos STEM bad ki kali shimet.
Hynrei, u Myntri ula pynpaw ia ka jingpyrshang jong ka Sorkar ban leh eiei halor ka jingkhapngiah ki surok bad ban kyrshan ia ki khynnah skul, haba kdew ia ka jingsdang pyntreikam ia ki bos STEM arsnem mynshuwa da u Myntri Rangbah ka Jylla Conrad K Sangma.
“Nga da sngewnguh shisha ia u Myntri Rangbah namar arsnem mynshuwa, ula pyllait ia kine ki bos STEM kiba la iarap bha” ong u Bah Lahkmen haba pynpaw ia ka jingsngewskhem ba ka Sorkar kan nang pynbud shuh shuh ia kine ki bos.
U Bah Lahkmen ula ban jur ia ka jingaiti jong ka Sorkar sha ka jingshakri ia u paidbah bad ong “Ka dei ka kamram jong ka Sorkar, ka Sorkar ka dei na ka bynta u paidbah”.
Ula kular ba lada kine ki bos STEM ki long kiba iarap shisha, ka Sorkar kan sa nang pynbun ia ka jingdon jong ki ha kine ki bnai bad snem ban wan.
 ban pynsangeh noh ia ka jingshakri ki bos skul naduh ka 1 tarik Iaiong, 2026.){kind=link}