Guwahati, Nohprah 08 :U president ka All Assam Students’ Union’s (AASU), u Dipanka Kumar Nath la ong ba ula pynkhreh ban iehnoh kam na kane ka seng ki samla pule, bad katkum ki khubor la ong ba u Utpal Sharma u lah ban shimti kum u president uba thymmai.
Hynrei, watla katta na ka liang u Dipanka Kumar haduh mynta u dang iai shim ia ka bynta kum u president ka AASU.Ha kawei pat ka bynta u Sankar Jyoti Baruah ula shah jied kum u General Secretary bathymmai jong kane ka seng samla pule.
Ha kawei pat ka liang, ka All Assam Students’ Union’s (AASU) Gauhati University unit mynta ka sngi kala khot pynlong ia ka jingialang kaba kongsan ha kaba ka lah ban don ka jingiakren halor ka jingpynkylla nongialam.
Kham hashwa, kata ha u bnai bnai Naiwieng 2020, u president ka All Assam Students’ Union (AASU) u Dipanka Kumar Nath ula shah jied biang kum u president katba u Shankarjyoti Baruah ula shah jied kum u general secretary bathymmai jong ka seng.
Ki tyllong khubor kila kam ba u Dipanka Kumar Nath un leit ban pyniasoh ia lade bad ka Seng sain hima ka Asom Gana Parishad (AGP) bad ba un pan tiket ban iakhun ha kane ka ilekshon ka ban wan napoh Barpeta lane na Guwahati constituency.
