Nongstoin, Nailar 13: Ka District Open Cum Inter School Badminton Tournament ba 13 jong ka West Khasi Hills District, ia kaba la pynlong da ka West Khasi Hills District Badminton Association ba ar sngi lynter, kaba la sdang naduh ka 11 tarik u Nailar 2022, ka la poi noh sha kaba kut ha ka sngi thohdieng ha Indoor Sport Hall, Nongstoiñ.
Ha katei ka Tournament, ki don phra tylli ki skul kiba la wan ban iashim bynta ha ka Team Event, katba ha ka Individual Event bad Doubles pat, ki nongiashim bynta ha ki kyrdan bapher bapher ki long 57 ngut ki shynrang bad 61 ngut ki kynthei. Ha ka open category U-19 Boys and Girls ki nongiashim bynta ki long 56 ngut.
Ka Nongstoin Public School ka la ioh ban khur ia ka nam kum ka lahduh ha ka liang jong ki Kynthei (Girls Team Event). Katba ka KJP Synod Sepngi HSS ka la wan ha la kyrdan ba ar. Haba phai ka liang ki U-13 Girls Single, ia ka nam jop la ioh da I Wanritngen Mawlieh, ha ka U-16 Girls Single pat ia ka nam jop la ioh da I Ibanpynhun Shisha katba ha kyrdan U-19 Girls Single pat I Shimtihun I la long I nongjop.
Haba phai pat ha ka U-13 Girls Doubles, ia ka nam lahduh la ioh da I Wanridaphi bad I Sahphilinda bad ha ka U-16 Girls Double, ia ka nam jop la ioh da I Amitabahun bad I Ibanpynhun bad ha ka kyrdan U-19 Girls Doubles, I Shimtihun bad Idashisha ki la long ki nongjop.
Ha ka liang ki shynrang kiba hap ha ka kyrdan U-16 Boys Single, ia ka nam jop la ioh da u Marveenson bad ha ka U-19 Boys Single u Josef MC Vans u la long u lahduh. Haba phai pat ha ka liang ki U-13 Boys Double, ia ka nam jop la ioh da u Jezeal bad u Raysen, ha ka U-16 boys doubles pat u Wanshanki O bad u Wanpyndapbor ki la khur ia ka nam jop, katba ha ka U-19 boys doubles pat u Shanborlang bad u Jerryford ki la ioh ban khur ia ka nam kum ki lahduh.
Kumban shu kdew ia katei ka Tournament la wan ban plie pyrda da u BDO ka Nongstoiñ C&RD Block u Bah T. Diengngan ha ka 11 tarik bad la wan ban pynhap pyrda pat ha ka sngi thohdieng, da u SP ka WKH u Bah H.G Lyngdoh u ba la ioh ban sam ruh ia ka khusnam sha ki nongjop ha ryngkat ka jingiadonlang ki nongkitkam ka WKHDBA bad kiwei kiwei.
