Nongpoh, Īaīong 24: U wei u rangbah ba la tip kyrteng kum u Robin Munda 45 snem Ka rta, ba shong ba sah ha ka shnong Pahamsyiem, u la jah noh na la iing naduh ka 10 Īaīong 2023 ha ka por janmiet eiei.
Katkum ka jingïathuh da ka Khalija Munda kaba dei ka para ka jong u Robin kaba ri ba sumar ia u, ka la iathuh ba u hymmen jong ka u dei u ba don jingduna ha ki bynta ka khlieh, bad ka ha katei ka sngi shwa ba u un jah noh nala iing, ka la iohi khatduh ïa u harud surok bah ka shnong Pahamsyiem.
Kala pynpaw ba kam la shem poi pyrkhat pat ba un jah ha katei ka sngi haba iathuh ba katkum ki briew kiba la iohi ia u ha katei ka janmiet, ki la pyntip ba u la kiew ha kawei ka kali kaba ym lah ban ithuh satia la ka dei kali kaba naei bad jongno.
Na kaliang ka Khalija ka buh ia ka jingkyrpad ba lada don mano mano ba ïohi ïa u Robin ba kin sngewbha ban pyntip lang da kaba phone ha u number 762967195.
Pule lang ia kane: Kyrshan ka TGCSU ia ka jingdawa ka ACHIK ban pyntreikam ia ka Roster naduh 1972
