Nongpoh, Jylliew 08 : Ka NDRF kala ioh ban sei ia ka metiap jong ki lai ngut ki nongtih par dewiong kynthup ia arngut na Meghalaya, kiba shah taplup ha ka jingtwa jong ka par thliew khnai kaba don ha ka thain Ledo Tikak Colliery, Tinsukia, Assam.
Kine ki lai ngut ki kynthup ia u Dawa Sherpa uba dei na Bhojpur, Nepal bad ki arngut pat kiba dei na Meghalaya ki dei kiba la tip kyrteng da u John bad u Phinal.
Kine ki laingut kila shah taplup shapoh ka par ha ka miet 25 tarik Jymmang, kaba la jia hadien ka jingtwa khyndew ha ka thain Patkai Hills ha Tinsukia Ledo.
Kat kum ka khubor Pulit, saw ngut ki nongtih par kila leit trei ha kane ka par ha kane ka sngi hynrei lai ngut kila rung shapoh ka krem khnai ban tih dewiong katba uwei pat ula ap nabar ban tan ia u mar.
Ki pulit ka Ri-Bhoi ki pyntip ba ia ka met jong kine ki nongtih par na Meghalaya la lap na kane ka par bad ki bahaiing kila leit sha katei ka jaka ban shimti ia ka met.
Ki pulit ba halor ka jingkyrpad ki bahaiing hasem, la pynkhreh ruh ia ka Ambulance ban leit shimt ia ka met.
