Shillong, Nailar 11 : Ka Tnad Tourism ka Jylla kala pynlait ia ki nongioh bynta hapoh ka Chief Minister’s Meghalaya Homestay Mission Scheme (CMMHMS) ban hap shim ia ka jingbit tei iing (building permission) na ka KHADC, GHADC, JHADC lane MUDA ban pynlait ia ka ram bala mang hapoh ka skhim.
Ha ka hukum bala pynmih da ka Tnad, ka ong ba ia kane ka jingpynlait shim jingbit la ai haba buh ha ka jingmut jingpyrkhat ba ka skhim ka dei kaba la mang na ka bynta ki samla ba khlem kam khlem jam, ki nongshongshnong ha ki jaka nongkyndong bad kiwei kiba ioh jingmyntoi kiba donkam ia ki jingkyrshan ka Sorkar bad kiwei ki bor treikam ba kin thaw ia ki lad kamai bad ka iohkam iohkam.
Ka Tnad kala pynmih ruh ia ka hukum ban pynsuk ia ka jingpyntreikam ia ka skhim, kaba thmu ban kyrshan ia ki nongioh bynta na ki jaka bapher bapher, khamtam ki samla ba khlem kam bad ki ba sah ha ki jaka nongkyndong, ba kin thaw ia ki lad kamai lyngba ki homestay.
Ia ka hukum la pynmih da Joint secretary ka Tnad Tourism CS Khongwir, bad la phah sha Director ka Tourism, baroh ki Deputy Commissioner, Chairman ka Meghalaya Rural Bank bad ki Tourist Officer ba kin tip bad leh ia kaba donkam.
 ban hap shim ia ka jingbit tei iing (building permission) na ka KHADC, GHADC, JHADC lane MUDA ban pynlait ia ka ram bala mang hapoh ka skhim.){kind=link}