Shillong, Jylliew 20: U MLA bad MDC ka seng Congress na Nongstoin Constituency Bah Gabriel Wahlang hynne ka sngi Ba-ar ula ong ba ka Indian National Congress kan ai jingkyrshan ia ka seng National People’s Party (NPP) tang ha Khasi Hills Autonomous District Council (KHADC) ym ia ka Sorkar MDA-II kaba ialam da ka NPP ha ka jylla.
Haba iakren bad ki nongthoh khubor u Bah Gabriel Wahlang ula ong, ba ka Congress ka kyrshan iaka NPP tang ha District Council naka bynta ka bha ka miat ha kaba iadei bad ka kolshor.
“Ka District Council ka iapher na ka sorkar jylla, ha ka District Council ngi peit ia ka bynta jong ka kolshor ki paidbah kunta kam don satia kaano kano ka lad ba ngin leit ai jingkyrshan ia ka sorkar MDA”, ula ong.
Haba kylli la u Myntri Rangbah bad u President ka NPP kila pan ia kano kano ka jingjyrshan, u Bah Gabriel ula ong ba u Myntri Rangbah ym shim la ai ktien eiei ha kaba iadei bad ka jingpan jingkyrshan n aka Congress.
Une u MLA/MDC ka seng Congress ula pyntip ba ka seng Congress kan sa lum ia ka jingialang ha ka sngi Balang..
