Nongpoh, Jylliew 07: U MLA ka Nongpoh Bah Mayralborn Syiem hynne ka sngi Thohdieng, ula kyntu ia ka Longkmie Kong Bindas Syiem ba kan pynsangeh noh ia ka jingshong shah jingijit khlem pud.
Kane ka Longkmie na Umden, kala leit shah jingit naduh hynnin ka sngi Palei hakhmat ka Secretariat, ban pynbor ia ka Sorkar Jylla ba kan shna noh ia ka surok Nongpoh-Umden-Sonapur kaba la jot rathai bad ieh da ki phew snem.
Haba iakren bad ki nongthoh khubor, u Bah Mayralborn ula ong ba ki kam ki jam ban shna pynbna ia kane ka surok kila iaid shaid shaid bad kyrpad ia ki paidbah ka thain Umden bad baroh ki shnong ba kin iaishah.
Ula iathuh ba kane ka project kala don ha ka jingtyrwa bad ka Jylla mynta ka dang ap ia ka Ministry of DoNER ba kan bei tyngka.
