Nongpoh, Lber 03 : U MLA ka Umroi Bah Damanbait Lamare, ula kyrpad ia u Myntri Rangbah ka Jylla Conrad K Sangma, ban shna noh da ka stadium bad pynbha janai noh ia ka madan Kurkalang, kaba don ha Bhoirymbong.
Une u MLA ula iakynduh ia u Myntri Rangbah bad aiti da ka dorkhas halor kane ka jingkyrpad.
U Bah Damanbait ula pynpaw ba kum u nongmihkhmat ka thain, u angnud ban kwah eh ban pynkylla ia katei ka madan sha ka madan ialehkai kaba paka bad ruh ban iohi ia ka stadium ha ka.
Ula kyrpad ruh ban shna noh ia ka madan ialehkai phutbol ba siang da u phlang plastic, ki jaka pynieng kali kiba biang bad shibun kiwei pat ki jingdonkam ha kane ka madan.
Une u MLA ula iathuh ba u Myntri Rangbah ka Jylla ula ai ka jingkular ban pynurlong ia ki jingangnud u MLA khnang ba ki samla ka thain kin ioh ia ki jingmyntoi da ka jingdon ia ka madan ialehkai kaba paka.
