spot_img

Kyrpad ka Tnad Transport ia ka PWD ban shna kloi ia ka surok thymmai ban treikam ka ISBT

Date:

Share post:

Shillong, Naiwieng 02 : U Symbud Myntri Rangbah ba khmih ia ka Tnad Transport Bah Sniawbhalang Dhar ha ka sngi Ba-ar, ula ong ba ka Tnad kala kyrpad ia ka tnad PWD ba kan pynkloi noh ia ka jingshna ia kawei pat ka surok khnang ba ki bos heh kin lah ban pyndonkam ia ka Inter State Bus Terminus (ISBT) ha Mawlai Mawiong.

“Ngi ka kyrpad ia ka PWD ban pyndep noh kham kloi kat kaba lah ia kane ka surok thymmai. Kila aiktien sha ngi ba ki don jingthmu ban pyndep shna ia kane ka surok hapoh ka shisnem” ong u Bah Sniawbha.

Ula pynpaw ia ka jingkyrmen ba hadien ba dep kane ka surok, ki bos ba heh kin sa lah ban wan ban kamai biang na ISBT.

Kane ka surok thymmai kan sdang na Kad Liengsuin Umroi bad kut ha Mawlai By-pass. “Namar kata, ki bosh eh ki lah ban wan beit beit sha ka ISBT na Mawlai By-pass” ula pyntip.

U pyntip ba ia mynta, ka jingpyrkhing ia ka jingkhia jong ki kali ba iaid na Jingkieng Umroi, kala ktah bha ia ki nongpyniaid bos bad kumjuh ruh ki trai dukan ha ISBT.

Share post:

spot_img
spot_img

Popular

More like this
Related

Heroin worth ₹1 crore seized in Shillong, Woman held

Shillong, Sept 6: The Anti-Narcotics Task Force (ANTF) of...

Shah kem ka Longkmie bad ioh kurup droks ba shongdor T.1 Klur

Shillong, Nailur 06: Ki pulit jong ka Anti Narcotics...

Jop ka Langsning ia ka Sawmer lyngba ka Hat-trick u Donlad

Shillong, Nailur 06: U Donlad Diengdoh ula thep ia...