Shillong, Iaiong 28 : Ka Tura Government College Students’ Union (TGCSU) hynne ka sngi Thohdieng, kala kyrpad ia u Myntri kam bording Abu Taher Mondal ban pynduna ia ki kynta pynlip bording namar ka jingpynkhreh jong ki Samla Pule ban ialeh ia ka eksam semester.
Ha ka kyrwoh, u President ka TGSCU Anand Ch Momin ula ong ba ka Union ka sngew ba kam sngew iahap ban don bun kynta ka jingpynlip bording namar kane kan sa ktah jur bha ia ka pule puthi jong ki samla pule.
“Ka jingpynlip bording ba palat 10-15 kynta ka dei ka bym sngew lah shah, khamtam ha kane ka por lyiur ym tang ia ki samla hynrei ia ki briew khlem da khein snem. Ngi kwah ban buh ka jingkyrpad ia u Myntri ban pynkylla noh ia ki kynta pynlip bording bad pynduna noh haba buh hakhmat ba ki samla pule kin hap pynkhreh bad leit thoh eksam” ula ong.
Pule lang ia kane:Â Dawa ka JCCRP ban bishar thymmai ia ka State Reservation Policy
