Shillong, Iaiong 05 : Ka Meghalaya School Welfare Development Association (MSWDA) kala pynpaw ia ka jingbym sngew tynnad halor ka jingbym shimkhia jong ka Sorkar Jylla ia ki jingsngewkhia jong ki, kiba iadei bad ki skul Secondary bad Higher Secondary.
Ha ka kyrwoh, u President ka MSWDA HM Marbaniang ula ong “Ka Association ka sngewsih jur halor ka jingbym leh eiei halor ki jingeh jong ki skul Secondary bad Higher Secondary kumba la pynpaw ha ka dorkhas bala aiti ha u Myntri ka Tnad Pule Puthi myn ha ka 4 tarik Iaiong 2025”.
Kat kum ka Directorate of School Education and Literacy (DSEL), ki don haduh 29 tylli ki skul sorkar, 17 tylli ki Deficit, 69 tylli ki Adhoc Higher Secondary School bad 121 tylli ki skul Deficit Secondary.
Hynrei, bun na ki skul kim shym la ioh ia ka grant-in-aid, ha kaba 219 tylli kila ioh ia ka Science grant khlem ka adhoc grant ia ki nonghikai kiba dei jong ki general subject.
“Ka Sorkar kala leh klet ia ka jingkyrpad jong ki skul bapher bapher kiba la tyrwa lyngba ki DSEO bad DSEL” ong u Bah Marbaniang haba kyrpad ia ka Sorkar ban ai lem ia ka grant-in-aid sha ki skul kiba dei hok ban ioh.
Ka MSWDA kala khot ia ka General Meeting ha ka 6 tarik Iaiong, 2026, ban iakren ia kine ki kam, kynthup ki skul SSA bad ka jingthungkam ia ki nonghikai ha ki jaka ba lait.
Ha kane ka jingialang yn wan ban iashimbynta da ki dkhot jong ki School Management Committee, ki Principal bad ki Nonghikai.
 kala pynpaw ia ka jingbym sngew tynnad halor ka jingbym shimkhia jong ka Sorkar Jylla ia ki jingsngewkhia jong ki, kiba iadei bad ki skul Secondary bad Higher Secondary.){kind=link}