Shillong, Lber 11 : Ka Sorkar Jylla kala kyrpad ia ka Sorkar Pdeng ban mang kham bun ia ka bai kheng ban seng kam (start-up fund) sha ki Self Help Group lyngba ka Deendayal Antyodaya Yojana-National Urban Livelihood Mission (DAY-NULM) ban iarap ia ki Self Help Group (SHG).
Haba pyntip ia kane hapoh ka Iingdorbar ha ka kynta kylli jingkylli, u Myntri Rangbah ka Jylla Conrad K Sangma ula ong “Ngi la thoh sha ka Sorkar India bad ngi khmih lynti ba ka song pisa kan sa kiew”.
“Ki jingtip kila wan poi ba ka Sorkar India kala mynjur ban pynheh ia ka song pisa bad mynta kan sa kiew na ka T.10,000 sha ka T.25000”.
U Myntri Rangbah ula kular ruh ban pyniasoh lang ia ka DAY-NULM bad kiba bun ki skhim jong ka Sorkar Jylla ban pynthikna ba ka jingai skhim kan nang bun lyngba ki SHG.
Ula pyntip ruh ba ka Sorkar kala lah ban pynmih ia ki hajar ngut ki longkmie kiba la kylla long ki lakpati ha kine ki 6-7 snem bala leit noh ha ki shnong nongkyndong.
Kane ka la urlong namar ka rukom lum bad pyniaid ia ki SHG ka kham suk ha ki shnong nongkyndong.
“Hynrei, ngim shym la lah ban leh kumjuh ha ki jaka sor namar ka kham shitom ban wanrah ia ki briew ba kin iatreilang” ong u Conrad haba kular ban sa shim ia ki sienjam ban pynthikna ia ka jing kyntiew ia ki SHG ha ki jaka sor.
Haba jubab shywa ia kane, u Symbud Myntri Rangbah ba khmih ia ki kam pynroi sor Bah Sniawbhalang Dhar ula pyntip ba naduh u 2014, haduh 510 tylli ki SHG la thaw bad register ha ki jaka sor ka Jylla Meghalata hapoh ka DAY-NULM.
Napdeng kine, 41 tylli ki SHG ki dei ki bym treikam satia.
Ka Sorkar kala ai ia ka song pisa ba mar T.10,000 kum ka baikheng ha ka dur jong ka revolving fund ne ka song ba pyntyllun kam ia kawei pa kawei ka SHG hapoh ka DAY-NULM, ula bynrap.
 sha ki Self Help Group lyngba ka Deendayal Antyodaya Yojana-National Urban Livelihood Mission (DAY-NULM) ban iarap ia ki Self Help Group (SHG).){kind=link}