Shillong, Rymphang 21 : U Myntri Rangbah ka Jylla Conrad K Sangma ha ka sngi Balang ula pynpaw ia ka jingkyrmen ba ka jingtih dewiong da ka jingstad saian kan sdang noh ha u snem mang tyngka ban wan.
Haba jubab ia ka jingiatai halor ka jingkren u Lat, u Conrad ula ong ba ki jingpynkhreh ia ki kam ki jam ban sdang ia ka jingtih dewiong da ka jingstad saian ka dang shu sdang mynta.
“Ngi dang ap ia ka environment clearance, ka jingpynlong ia ka public hearing kaba dei ban long hapoh ka 45-60 sngi” ula ong.
“Ngi la thikna bha ba ha u snem mang tyngka ban wan, ngin sa iohi ia ka jingsdang jong ka jingtih dewiong da ka jingstad saian” bynrap u Myntri Rangbah.
