Shillong, Jylliew 21 : U Nongialam ka UDP bad CEM barim Bah Titosstarwell Chyne hynne ka sngi Balang ula pynpaw ia ka jingkyrmen ba u Myntri Rangbah ka Jylla Conrad K Sangma un bat ia ka kular bala khlei bad u President barim ka UDP Dr Donkupar Roy, ban nym weng ia u Bah Bindo M Lanong kum u MDC ba shu sieh ha KHADC.
U Bah Titos ula pyntip ba ka jingthung MDC ba shusieh ia u Bah Bindo ka dei kaba la leh da ka jingiateh kular hapdeng ka UDP bad ka NPP ha u snem 2019 ha ka por ba u (L) Dr Donkupar Roy u dang bat ia ka kam President ka UDP bad Lamphang ka IIngdorbar Thaw Ain ka Jylla.
“Nga dang ngeit ba u CM un burom ia ka jingiateh kular bad u Dr Donkupar ban pynthikna ba u Bah Bindo kum u Nongialam bala rangbah bha ba un bteng kum u MDC ba shusieh.
U Bah Bindo ula dei ka jingkyrkhu ia ka Council namar ka jingnoh synniang ba shikatdei eh. Namar kata, ngam iohi satia ba ka Sorkar kan weng noh ia u namar ka jingkylla ka sain hima sima hapoh ka Council, ula ong.
 Dr Donkupar Roy u dang bat ia ka kam President ka UDP bad Lamphang ka IIngdorbar Thaw Ain ka Jylla.){kind=link}