Kyntu u MLA ia ka Sorkar ban khot iakren noh ia ki Nonghikai SSA

Date:

Share post:

Shillong, Naitung 19 : U MLA ka Shillong North, Bah Adelbert Nongrum u la kyntu ia ka sorkar jylla ba kadei ban khot ia ki nonghikai SSA sha ka miej jingiakren na ka bynta ban pynbeit bad pynurlong noh ia ki jingdawa jong ki.

“Lada ka sorkar ka lah, kadei ban pynpaw bad lada kam lah kadei ban kren shai,” u la ong haba kren bad ki lad pathai khubor.

Nalorkata, u ong ruh ba kum u nongmihkhmat u pang ka mynsiem ban ïohi ia ki nonghikai kiba dei ki hynmen para, ki khun ki pyrsa ba ki hap ban ieh ia ka ïing ka sem ban wan dawa ia ka tulop kaba ki shah bat mynta la san bnai mynta.

Katei ka jingkren jong utei u MLA kadei hadien ba da ki spah ngut ki nonghikai ki la mih ban shong kyllain myngor bad sah miet syndon hakhmat ka Ophis Additional Secretariat hadien ba ka jingiakren bad ka sorkar ha ka sngi Nyngkong kam shym la long kaba seisoh.

Lah ban kdew hangne ba ki don haduh 1200 tam ki nonghikai SSA ha ka jylla hapoh ka lama jong ka Meghalaya SSA School Association kiba dawa na ka sorkar ban pyllait noh ia ka tulop kaba la sahkut mynta la san bnai.

Kawei pat ka jingdawa ka long ban kyntiew noh ia ka tulop bad ruh ban ithuh noh ia ki kum ki nongtrei ba pura jong ka sorkar jylla.

Share post:

spot_img
spot_img

Popular

More like this
Related

Ai jingbit ka NCISM ia ka UTSM ban plie ia ka Ayurvedic Medical College

Nongpoh, Nailur 28: Ka National Commission for Indian System...

Hiar jurip u CEM sha Barapathar ba wan pynthut ki nong Assam ia ka skhim JJM

Nongpoh, Nailur 28 : U Chief Executive Member (CEM)...

Maham tyngeh u CEM ia u bar Jylla ba shalan khyndew be-ain na Pilangkata sha Assam

Nongpoh, Nailur 28: U Chief Executive Member (CEM) ka...

Dawa ka LSK na ka KHADC ban ailad ia ki Kynthei ban long dkhot ha ki Dorbar Shnong

Shillong, Nailur 28: Ka Lympung ki Seng Kynthei hynne...