Shillong, Lber 18 : U District Election Officer (DEO) ka West Khasi Hills Garod LSN Dykes ha ka sngi Nyngkong, ula kyntu ia ki paidbah ba kin ai jingtip lada don kano kano ka jingthong pisa ha ka elekshon Lok Sabha ka ban long ha ka 19 tarik Iaiong.
Ha ka jingkyntu, u Bah Dykes ula ong ba haba pyntreikam ia ka jingbthah jong ka Election Commission ka Ri India, la pyntip sha ki paidbah ba kano kano ka jingtyrwa pisa, kyiad, jingai sngewbha ne ka bam ei sha ki nongthep vote ha ka por elekshon ka dei kaba khein kum ka jingthong.
Baroh ki briew, kiba tyrwa bad kiba pdiang ia kine ki jingthong, kin ngat ha ka jingpynsajia da kaba set along haduh shisnem bad ka kuna.
U pyntip ba la dep thaw mynta ia ka kynhun Flying Squad bad kynhun peitngor ba kin peit pyrman halor ki kam kiba iaid ha ki sngi ialap elekshon.
“La kyntu hangne ba kino kino ki briew ki lah ban pyntip ia kum kine ki jingjia (thong) shaka Complaint Monitoring Cell, bala buh ha ka District lyngba ka toll free number 1950 bad C-Vigil” ong u DEO.
 ka West Khasi Hills Garod LSN Dykes ha ka sngi Nyngkong, ula kyntu ia ki paidbah ba kin ai jingtip lada don kano kano ka jingthong pisa ha ka elekshon Lok Sabha ka ban long ha ka 19 tarik Iaiong.){kind=link}