Nongstoiñ, Rymphang 10: U District Election Officer (DEO) ka West Khasi Hills bah Garod LSN Dykes, u la kyntu ia ki paid Nongthep Vote ka West Khasi Hills, ba kin iamih paidbah haka ban iajied iala ki jong ki Nongmihkhmat sha ka Iingdorbar Thaw Ain ka Jylla, ka ban long ha ka 27 tarik u Rymphang.
U DEO ula pyntip ba katkum ka jingbthah jong ka Election Commission jong ka Ri India (ECI), la kyntu ia ki nongthep vote ba kin rah ïa la ki Elector Photo Identity Card (EPIC) ha katei ka sngi ha la ki polling station na ka bynta ka jingpynshisha shwa ba kin thep ïa la ki vote jong ki.
Ki nongthep vote ki bym lah ban pynshisha lyngba ki EPIC, ki lah ban rah kawei na kine ki kot ki sla kum ka jingpynshisha kata ka Aadhaar Card, MGNREGA Job Card, Passbooks lane Post office, Health Insurance Smart Card, Driving License, PAN Card, Smart Card ka NPR, Indian Passport, Pension document bad ka dur, Service Identity Cards, Official identity cards ba la issue sha ki MP/MLA/MDC bad ka Unique Disability ID (UDID) Card.
Ïa ki Voter Slip yn sa sam la kumno kumno 5 sngi shwa ka jingthep vote sha baroh ki nongthep vote ba la pynrung kyrteng ha ka Electoral Roll da ka ophis u DEO. Kumta u DEO u la kyntu ban ïa mih ryntih paidbah ha katei ka sngi ban jied ïa la ki nongmihkhmat.
