Adokgre, Naiwieng 15 : U Myntri Rangbah ka Jylla Conrad K Sangma hynne ka sngi ba-ar ula kyntu ia ki paid nongrep ba kin pynrung kyrteng ialade ne register ialade hapoh ka 4 tarik u Nohprah ba kin ioh ia ki jingmyntoi naka skhim Focus plus.
Ka Focus plus ka dei ka skhim bala pynbteng ia ka Focus, kaba dei ka skhim ba heh duh jong ki paid nongrep, ha kaba ki paid nongrep kila la pynrung kyrteng kin ioh ia ka song pisa ba T.5000 na ka Sorkar.
Haba kren ha ka jingplie ia ka Adokgre C&RD Block hynne ka sngi, u Myntri Rangbah ula ong ka jingwanrah ka Sorkar ia ka skhim Focus Plus ka long ban lehkmen ia ka jingjop jong ka skhim Focus, kaba la ai jingmyntoi ia kumba 4.5 lak ki nongrep kiba don ha ki kynhun ki nongrep.
Ula sam ruh ia ki card jongka Focus plus ha Adokgre bad pyntip ha ka jingialang ba ka Sorkar kan sa pynthep ia ka pisa sha ki nongioh ia ka skhim da ka installment kaba long T.1000 ha ka por ba register bad T.4000 kumka installment ba nyngkong.
In the New Adokgre C&RD Block 2387 individual producers received funds totaling ₹23.87 Lakhs under FOCUS+ scheme, an extension of Meghalaya biggest welfare scheme for farmers ‘FOCUS’@nstomar @AgriGoI pic.twitter.com/BOPjc1oqhp
— Conrad Sangma (@SangmaConrad) November 15, 2022
U Myntri Rangbah u pyntip ba ka Sorkar kan sa pynlong ia ka jingialang kaba heh bha ban sam ia ka instalment kaba ar sha ki lak ngut ki nongrep ka ban long da ki phew lak tyngka.
