Shillong Jymmang 11: Ka Voice of the People Party (VPP) kala kyntu ia ki paidbah ban nym thaw ia kano kano ka jingkulmar haba wan kyrshan ia ki MLA ka party ki ban leit aiti ia ka dorkhas sha ka Sorkar Jylla ba dawa pynsangeh ia ka jingthungkam ha ki Tnad Sorkar kat bym pat bishar thymmai ia ka State Reservation Policy bad pynbeit bha ia ka Roster System.
U Nongaiktien ka VPP u Dr. Batskhem Myrboh ula ong, ba ki MLA jongka Party kin don ha ka Parking Lot hajan Additional Secretariat ha ka por 1 baje nohphai sngi bad kin leit aiti ia ka dorkhas ha ka por 2 baje janmiet.
“Ka party ka kwah ban pyntip sha ki paidbah ba kidei ban long kiba jaijai bad ban nym leh ia kino kino ki kam pynthud ia ka shongsuk shongshngain bad lada don kum kita ki hap hi ban kit iaka jingkitkhlieh” ula ong.
“Ka jingialeh jong ngi kam dei ia kano kano ka kynhun jaidbynriew hynrei ka long beit ia ka sorkar ba kadei ban leh eiei halor ka jingeh ki khun samla ba mih na ka roster system bad ka jingbhahkam” la ong u Dr Myrboh.
