Shillong, Nailar 31 : Ka Voice of the People Party (VPP) ha ka sngi Palei, kala kyntu ia baroh 4 ngut ki MLA ba kin pynthikna ha ka ban pyntreikam ia ki MLA skhim haba shit haba shai bad ban pyntip paidbah ruh ia ka kaiphod manla ka por.
Ha ka shithi bala phah sha ki MLA ka party, u General Secretary ka VPP Dr Ricky AJ Syngkon ula ong b aka State Executive Committee (SEC) ha ka jingialang ba long myn ha ka 20 tarik Nailar, kala iakren sani bha halor kane ka kam (MLA skhim) bad rai ban pyntip sha baroh ki MLA jong ka party ba kin leh ia kaba donkam.
“(La kyntu iaki MLA) ba kin pyntikna ba ia ki MLA skhim dei ban pyntreikam haba shit haba shai bad ban ai kaiphod kaba bniah ia kane sha ki paidbah manla ka por” ula ong.
Ula iathuh ba ka SEC kala kyntu ia ki MLA ban pynthikna ha kaban shim ia ki TA/DA bad ka bai shong jingialang kum ki dkhot jong kino kino ki Assembly Committee kat kum kaba dei rukom bad ban pynthikna ruh ba kino kino ki jingpynbna ia ki MLA hostel bala ai sha baroh ki MLA ki dei ban long kiba iahap bad shong nongrim.
“Baroh ki MLA la kyrpad ba kin shimkhia ia kine ki mat bala wanrah da ka SEC bad ban pynthikna ba kin pyntreikam ia ka rai kumba ka long na ka bynta ka bha ka miat ki paidbah bad ka Jylla baroh kawei” ong u Dr Syngkon.
Pule lang ia kane: Manipur: Ioh kurup ki bor pahara ia bun bah ki tiar siat na Thoubal
Peit lang ia kane
Ka rynsan khubor digital ba pura ka Meghalaya da ka ktien Khasi.
Balei ban ap ia ka lashai, haba ki khubor ki mih mar syn jia!
Bud ia ka Ki Khubor na ka Shlem ban ioh ia ki khubor ba dang shu jia bad ba thymmai!
 ba kin pyntikna ba ia ki MLA skhim dei ban pyntreikam haba shit haba shai bad ban ai kaiphod kaba bniah ia kane sha ki paidbah manla ka por” ula ong.){kind=link}