Shillong, Naiwieng 19 : Ka North Eastern Hill University Students’ Union (NEHUSU) bad ka KSU NEHU Unit ha ka sngi Balang, kila kyrpad ban weng noh mardor ia ki video ba saphriang ha ki rynsan social media – ka jingjia aksiden kali ba shyrkhei kaba la pynmynsaw ia arngut ki samla pule Chemistry- Daritngen Pohdukhei bad Stephanie Shadap.
Ha ka kyrwoh ba iapynlait lang, kine ki seng samla pule kila pynpaw ia ka jingsngewkhia halor ka jing ktah kine ki durkhih ia ki jingsngew jong ki bahaiing ki lanot, ki paralot bad ki samla pule ka skulbah.
Kila ban jur ba ka jingiai bteng ban pynsaphriang ia ka video ka pynkhein iaka jinglong shimet, ka burom bad ka bha ka miat jong ki briew ba shah ktah.
“Ngi kyrpad ia baroh ki briew, ki nongpyndonkam social media, ki page admin bad ki lad pathai khubor ba kin weng noh mardor bad kiar na ka jingsam ne thep biang ia ka video” ong ka kyrwoh.
Kine ki Seng kila pynpaw ia ka jingdonkam ban don ka jingiasngewlem bad ka jingbahkhlieh lang ha kum kane ka por ba jynjar bad ai ia ka jingkyrshan lem ia kine ki samla ba mynsaw bad ki bahaiing hasem.
 bad ka KSU NEHU Unit ha ka sngi Balang, kila kyrpad ban weng noh mardor ia ki video ba saphriang ha ki rynsan social media – ka jingjia aksiden kali ba shyrkhei kaba la pynmynsaw ia arngut ki samla pule Chemistry- Daritngen Pohdukhei bad Stephanie Shadap.){kind=link}