Shillong, Risaw 03 : Ka Mawlai Police Station, kala phah ia ka jingkyntu sha baroh ki Rangbah Shnong ka Mawlai Pyllun, ba kin bthah lem ia ki nongshongshnong ba don ia ki kali arshaka, ba kin da phikir bha iala ka mar namar ka jingjur ka jingiatuh kali arshaka ha ka thain.
Kane ka jingkyntu kala mih hadien ka jingshah tuh ki katto katne tylli ki thuk thuk/scooty dang shen na ka thain Mawlai bad ka jinglap da ki Pulit iaid pahara, ia ka jingdon bun bah ki briew kiba set ia ki thuk thuk/scooty harud surok ha ka por mynmiet.
Kat kum kane ka jingkyntu, ki Pulit ka Mawlai Police Station kila pyntip ba ka jingshah tuh ki thuk thuk bad scooty kala jia jan man ka miet ha ka thain Mawlai bad ha kiwei kiwei ki jaka jong ka Nongbah Shillong.
“Kumta lah kyrpad iaphi sngewbha ban pynsngewthuh iaki trai bike/scooty kiba shong basah ha shnong ba kim dei ban park (pyneng) ia ki bike harud surok ne ha kino2 ki jaka bym long shngain khnang ba kan lait na ka jingshahtuh .Nalor kaba lock donkam ruh ban teh daki kynjri kiba skhem ban lait naka jingduh nong jongki trai” ong kane ka shithi ki Pulit.
Ha kane ka shithi, ki Pulit ka Mawlai PS kila pyntip ba ha ka jingiaid pahara mynmiet ba ju pynlong ha manla ki shnong ka Mawlai ban tem ia ki kam sniew, ka kynhun pahara kala lap ba ki don bun ki thuk thuk/scooty kiba set ha surok bad kiba lah ban dei ki kabu ksiar ia ki nongtuh.
Kila pyntip ba ha Mawlai Nongpdeng ki don haduh 6 tylli kiba set ha surok bad kine ki kali arshaka ki don u nombor :-ML 05 N- 5279 (bike), Ml05-Z- 7528(Ntorq), ML05 S 6440 (Duet), Ml05 R 3090 ( Jupiter), Ml05 N 2855 ( gusto), ML05 z 0454 ( Ntorq).
Nongkwar :- Ml05 S 6457 (rayz), Mlo5 P 3304 (gusto), Rymbai petrol pump-Ml05 M 8346 (adventure) , Ml o5 w 9589 (zr Yamaha), Ml05 u 8812 (zr Yamaha)
Nonglum: – Ml05 M 2147- R15, Mlo5 N 2714 (scooty) , Mlo5 N 9024 (scooty).
Pata – Ml05 S 0991 scooty
Kyntonmassar :- Ml05 Y 3550, Ml05 M 6114 (gusto) bad Ml05 S 6476 (Ray z).
Ki Pulit kila kyntu ia ki trai ba kin long kiba hisiar iala ka jong ka mar ka mata.
