Shillong, Naitung 09: Ka Jaiñtia Students Movement (JSM) Lapangap Unit, ka la kyntu ïa u Symbud Myntri Rangbah Bah Sniawbhalang Dhar, ban shimkhia ha ka ban weng ïa ki jingeh ba ka shnong Lapangap ka ïakynduh, kaba la ïai bteng naduh u snem 2020.
Ki dkhot JSM ki la pdiang ia u Symbud Myntri Rangbah ha ryngkat ki banner ba thoh iaki jingdawa na ka Sorkar ban pynbeit ia kane ka jingeh jong ka Shnong Lapangap.
Ka JSM ka pynpaw ka jingsngewnguh ia ka jingwan jurip jong u Symbud Myntri Rangbah sha katei ka shnong hynrei ka la pynpaw ia ka jingsngewkhia ba ka lah ban long tang ka jingpynbna paidbah na ka bynta ka jingmyntoi elekshon 2028.
“Ngim kwah ba un wan sha shnong tang ban ioh vote na ka bynta u snem 2028. Ngim kwah ba un shu pynbiej ia ki nongialam bad ki nongshong shnong” ong uwei u nongialam ka JSM.
Na ka liang jong ka JSM Lapangap Unit ka la kyntu ia u Symbud Myntri Rangbah ba un shimkhia bha ia kane ka kam bad ban leit jngoh ia katei ka jaka ban sakhi ia ki jingeh ba ki nongshong shnong ki iakynduh.
Ka seng ka la dawa na ka Sorkar ba kan wanrah ia ki lad lynti kaba neh shirta ban weng ia ki jingeh kiba ki nongshong shnong ki ia kynduh.
Ka JSM Lapangap Unit ka la dawa na ka Sorkar ba ka dei ban weng noh ia ki pulit Assam na Lum Pynthor, Lapangap, bad ban bujli noh da ki pulit Meghalaya khnang ban pynthikna ia ka jingshngain jong ki nongshong shnong, khamtam haba ki leit shala ki jaka rep.
 Lapangap Unit, ka la kyntu ïa u Symbud Myntri Rangbah Bah Sniawbhalang Dhar, ban shimkhia ha ka ban weng ïa ki jingeh ba ka shnong Lapangap ka ïakynduh, kaba la ïai bteng naduh u snem 2020.){kind=link}