Shillong, Nohprah 14: U Myntri ka tnat ka koit ka khiah James Sangma hynne ka sngi Balang u la ong ba lada u Saket Gokhale u dei u briew ba shemphang u lah dei ban pynbiang shwa iaki sakhi sabut halor ki jingkynnoh bamsap pyrshah iaka sorkar synrop Meghalaya Democratic Alliance (MDA).
Haba kren sha ki lad pathai khubor u James Sangma u la ong ba u National Spokesperson ka All India Trinamool Congress (AITC) Saket Gokhale udei u briew u bym sngewthuh iaka rukom treikam ka sorkar bad dei namar kane u la shu kynthoh khlem nongrim iaka sorkar jylla.
“Ngam kwah ban kren eiei pyrshah ia u Saket Gokhale hynrei nga kwah ban ong ba ka sorkar ka bunkam naka bynta ka bha ka miat ki paidbah bad kam dor por ban iahehnia kai bad u ne ban iakren halor ka jingkynnoh bamsap ba khlem nongrim, khlem ki sakhi sabut” ong u James.
U James u la ong ruh ba Saket Gokhale u don iaka hok ban kren ne ban kynthoh pyrshah iaka sorkar hynrei lada u dei u briew u ba shemphang u dei ruh ban pynbiang shwa iaki sakhi sabut kiba biang haba iadei bad ka jingkynnoh bamsap.
U la ong ruh ba haba kut ki paidbah kin bishar la kine baroh ki jingkynnoh da u Saket Gokhale, kidei kiba don nongrim ne ki bym don nongrim.
