Shillong, Nailar 07 : U Nongialam ka Bharatiya Janata Party (BJP) bad MLA ka South Shillong Bah Sanbor Shullai, ula ong ba ki shipai BSF ki dei ban siat beit ia ki nong Bangladesh kiba wan rung be-ain lada ki donkam ban hap siat.
Une u Nongialam ka BJP uba dei ruh u Chairman ka Meghalaya Tourism Development Corporation (MTDC) ula pynpaw ia kane haba iakren bad ki lad pathai khubor, ha ka jingleit jngoh ia ki paidbah ha khappud ka Meghalaya-Bangladesh ha ka thain Dawki-Tamabil bad Pyrdiwah.
Une u Nongthaw Ain, ula leit sha khappud ban peitthuh ia ka jinglong jingman ha ki shnong khappud namar ka jingthut ka suk ka sain ha Bangladesh bad ka jingkhie ki kam umsnam kaba la pynbor ia ka Sheikh Hasina ban iehnoh ia ka kam Myntri Rangbah Duh ka Ri bad ban wan phet sha India.
“Ka jingwan jngoh jong nga ia ka thain khappud khamtam ha Pyrdiwah ka long eh halor ka nongrim ba ngam kwah ba kan mih biang ka jingjia kumba jia ha u snem 2001. Ki shipai Bangladesh kila hiar thma bad kurup ia kane ka shnong” ula ong.
U Bah Sanbor ula iakynduh ia ki nongshongshnong ka Pyrdiwah bad ruh ia ki Heh shipai BSF kiba pahara ha ka thain, ban twad jingmut ia ki sienjam ba ki shipai kila shim ha kaban ai jingiada bad pynthikna ia ka jingshngain jong ki nongshong shnong.
Ki Heh shipai BSF kila pyntip ba ka Sorkar India kala pynkhlain bha ia ki bor pahara ha khappud ka Jylla Meghalaya bad kala dep phah ruh ia ka kynhun ki shipai Bihar Regiment ban iarap ia ki BSF ha ka jingiaid pahara.
 ula pynpaw ia kane haba iakren bad ki lad pathai khubor, ha ka jingleit jngoh ia ki paidbah ha khappud ka Meghalaya-Bangladesh ha ka thain Dawki-Tamabil bad Pyrdiwah.){kind=link}