Shillong, Iaiong 02 : U President ka National People’s Party (NPP) ka Jylla bad Symbud Myntri Rangbah Bah Prestone Tynsong ha ka sngi Ba-ar, ula kynthoh jur ia ka Liang Pyrshah Voice of the People Party (VPP) namar ka jingpynkylla iala ka nongrim halor ka ktien Hindi shabar ka Iingdorbar Thaw Ain ka Jylla.
Haba iakren bad ki lad pathai khubor, u Bah Prestone ula ong ba ula iohi ba ka VPP kala pynmih ruh ia ka jingkyrpad ia ki nongthep vote (appeal) ba thoh ha ka ktien Hindi.
“Ngam tip nangne ba ki ioh ia ki stad ki ban pynthoh ia ka jingkyrpad da ka ktien Hindi, kumta kan bha shibun ban kylli na ki, hynrei ha ka jingsngew shimet ka i kum ka jingleh drama namar hapoh ka Iingdorbar Thaw Ain ka Jylla, phi ong da kumwei katba shabar ka Iingdorbar pat da kumwei. Ym tang katta ha ka por leit ialap elekshon ruh phi ong da kumwei. Namarkata, nga sngew ba ngi dei ban ieh ha ka jingstad ki nongthp vote, ai ba ki nongthep vote kin buh iaka jingkylli ha ka por kaba dei” ula ong.
Haba pynpaw ba ka ka NPP ka ieng ha ka nongrim na ka bynta ka bha ka miat ki paid riewlum ha baroh kawei ka Ri, u Bah Prestone ula ong ba ym kum ka VPP, kaba ieh ia ka Jaidbynriew ka kut tang ha ki katto katne ki district ka Meghalaya, ka NPP ka pynthikna ba ki riewlum na Meghalaya, na ka thain Shatei Lam Mihngi bad kumjuh ruh ha baroh kaei ka Ri, kin ioh iaka jingiada ba pura long kat kaba long da ka Sorkar India bad ki Jylla ba ki don”.
“Lada phi iaid kat kum ka riti treikam jong ngi, ngi ieng na ka bynta ki paid riewlum bad lada phi pynkylla ia ka sha ka Khasi, ka dei na ka bynta ka Jaidbynriew. Hangno hangno ba dei ki paid riewlum, ka mut ba ka NPP ka ieng na ka bynta ka jong ki” ula ong.
 ba thoh ha ka ktien Hindi.){kind=link}