-->

Kyntait u DyCM ia ki khubor ban mih noh naka NPP

Date:

Share post:

Shillong, Naitung 21: U Symbud Myntri Rangbah ka jylla u Bah Prestone Tynsong u la kren da ka ba shai ba yn iakhun beit ia ka elekshon MLA ban wan na ka seng NPP ym na kawei pat ka seng kumba la don kiba la pynsaphriang ia ka khubor hamsaia.

“Ka seng jong nga ka dei ka NPP bad ngan iakhun beit ia ka elekshon naka NPP” ong u Bah Prestone Tynsong bad ka ong “Nga sngewkmen shi katdei eh ba u don hapoh ka seng NPP”.

Halor ka jingkylli la u don ia ka jingangnud ban shong ha ka shuki Myntri Rangbah, u Bah Prestone u la ong, “Kum katei ka jingkylli kan ym mih, namar ngi kwah ban ialeh, iakhun bad ban jop iaka elekshon”.

“Hato ban shakri ia u paidbah donkam ban shong ha ka shuki Myntri Rangbah? Kam long kumta, ha kano kano ka bynta, shisien ba ngi la shah jied ngi lah ban noh synniang katba lah sha ka jylla bad ka long kaba donkam ban treikam kum ka kynhun bad lada ka kynhun ka khlain baroh kin long kiba iaid beit iaid ryntih” ula bynrap.

Ha kine ki khyndiat sngi bala leit, kila don ki khubor hamsaia kiba la pynsaphriang ba u Bah Prestone u lah ban mih noh na ka NPP ban leit iasoh noh bad ka seng riewlum bad ban iakhun ia ka elekshon MLA 2023.

Share post:

-->
spot_img

Popular

More like this
Related

Nang kiew ki kam jngohkai ha Meghalaya, ong u Timothy Shira

Shillong, Risaw 21: U Myntri ka Tnad Jngohkai u...

Kwah u Shira ban khot da ki saiantist ban tehlakam ia ka jingbam khniang u kba bad diengkwai

Shillong, Risaw 21: U Myntri ba khmih ia ka...

Kynthoh u Shira ia u MP ka Tura ba shu bud tynneng ia kiwei haba dawa lynti rel

Shillong, Risaw 21: U Myntri ka Sorkar Jylla u...

Shakri ka PHC ha Dangar kum ka CHC | Kyntu ka HNYF ia ka Sorkar ban pynbiang lut ia ki jingdonkam

Shillong, Risaw 21 : Ka Primary Heath Centre (PHC)...