Shillong, Jylliew 02 : U President ka United Democratic Party (UDP) Bah Metbah Lyngdoh ula kyntait war ba ka don ka jingiashrut hapoh ka party hadien ka jingiehnoh kam syndet syndet jong u General Secretary bad MLA barim ka Nongthymmai Dr Jemino mawthoh.
“Haduh mynta hi, kam pat don eiei kaba kum kata. Kam don satia kano kano ka jingiashrut hapoh ka party” ong u Bah Metbah haba iakren bad ki nongthoh khubor.
“Wat lada ka don (ka jingshisha hi ka long ba ka ju don beit ka jingiashut ha man la ki seng sain pyrthei hynrei ki don ia ka hok ban pynpaw, ki long laitluid ban iathuh, ki long laitluid ban iakren ha ka rynsan jong ka party” ula ong.
Haba kyntiat ruh ia ka jingkam ba ka jingmih noh u Bah Jemino kan ktah ia ka party, u Bah Metbah ula ong “Mano manor uh ba mih na ka party, ngi ialong kum ka kynhun bad khlem pep ngin sngew tmang ia ki hynrei kum ka party ngi hap ban jam shakhmat kat kaba long, ngi hap ban iakhun, ngi hap ban trei bha bad ngin pyrshang katba lah ban ai ia kaei kaba la khmih lynti da u paidbah”.
U Dr Jemino ula aiti ia ka shithi iehnoh sha u Bah Metbah ha ka 20 tarik Jymmang da kaba pynpaw ba ka dei ka rai shimet bad ka daw ka bym lah ban kiar.
U Bah Metbah u iathuh ba ia ka kam ba iadei bad ka jingiehnoh jong u Dr Jemino yn sa iakren ha ka jingialang ban wan jong ka party, ka ban sa long shen.
 Bah Metbah Lyngdoh ula kyntait war ba ka don ka jingiashrut hapoh ka party hadien ka jingiehnoh kam syndet syndet jong u General Secretary bad MLA barim ka Nongthymmai Dr Jemino mawthoh.){kind=link}