Shillong, Nailar 16 : Ki Pulit ka East Khasi Hills, kila pynshai ba kam shym la don satia ka jingshah khlong khmat jong u briew ba iohtam ia ka metiap na Boucher Road kumba la mih ha ki kot khubor Khasi.
U Superintendent of Police ka East Khasi Hills, u pyntip ba kane ka metiap ka dei jong u Bah Rishad Singh Kharmutee ba na Mawdiangdiang, uba la jah rngai naduh ka 11 tarik Nailar ha ka por 5 baje janmiet. U iathuh ba ia une u briew la don ba iohi khatduh ha Tynring Bus Stand, Iewduh.
U pyntip ba ki Pulit ka Contonment kila ioh pdiang ia ka ejahar na u hynmen ba kyrteng u Teiborlang Kharmutee halor ka jingjah rngai jong u Rishad hynrei dei ha ka miet 14 tarik ba ki Pulit kila ioh khubor ia ka jinglap ia ka metiap na kawei ka nala ha Boucher Road.
U iathuh ba kat kum ka kaiphod post mortem bala leh ha Civil Hospital Shillong, la shem ba ka met kam don dak mong eiei ruh em la ka dei na ki bynta ba shapoh ka met ne najrong ka met.
La shem ruh ba u don ka jingpang ha u klongsnam bad la phah nuksa sha ka FSL ba kan tohkit. Ia kane ka case la register ha Shillong Sadar Police Station bad ka jingtohkit kaba bniah kala iaid shakhmat ban pynthikna ia ki daw ka jingiap.
Pule lang ia kane: Ka kam Sorkar ka don da u pud, thaw lad ka Sorkar ia ki samla ba kin sengkam lajong : Conrad
Peit lang ia kane
Ka rynsan khubor digital ba pura ka Meghalaya da ka ktien Khasi.
Balei ban ap ia ka lashai, haba ki khubor ki mih mar syn jia!
Bud ia ka Ki Khubor na ka Shlem ban ioh ia ki khubor ba dang shu jia bad ba thymmai!
