Shillong, K’lyngkot 10 : Ka Meghalaya ASHA Workers Union kala jied ban pynbteng beit ia ka jing iakhih da kaba sangeh treikam, wat hapdeng ka jingkular ka Sorkar ban pynlait noh ia ki jingsiew na ka bynta ki kam ba ki trei tam (Incentives) sha palat 7000 ngut ki nongtrei ASHA ka Jylla hapoh ka 24 tarik Kyllalyngkot.
Ia kane ka rai la shim hadien ka jingialang bad u Joint Director ka National Health Mission (NHM).
Haba kren hadien ka jingialang, ka President ka Union Kong Mira June Marsing kala ong ba u Joint Director NHM ula kyrpad ia ka Union ba kan pynsangeh noh ia ka jingiakhih, hynrei ka Union ka la jied ia ka lynti ban long husiar bha.
“Ka Tnad kala kular sha ngi ba ia baroh ki jingsiew na ka bynta ki kam ba trei tam, yn sa pynlait noh hapoh ka 24 tarik Kyllalyngkot. Ngi la rai ban ap tad haduh kane ka sngi, bad hapdeng kane, ngin shim ba dei kum ka shuti ia ki ASHA ki bym ju ioh satia ia ka shuti”.
Ka President ka ong ba ki Heh ka NHM kila kam ba ka jingslem ban pynlait ia kane ka jingsiew ka dei namar ka jingdon jingthut ha ki kor treikam.
“Ka State Accountant kala kular ba kam shym la don satia ka jingduna pisa ha ka NHM…hynrei ka jingslem ka dei namar ba don ka jingthut ha ki kor trekam” kala ong.
Ka kong Marsing kala bynrap “Ngin sa iakren bad baroh ki nongtrei ASHA hashuwa ban gin shim rai la ngin pynsangeh noh ia ka jingsangeh treikam ne em. Ka rai ban weng noh ia ka jingsangeh treikam ka dei kaba la iashimlang da baroh 7082 ngut ki nongtrei ASHA bad ngi donkam ban iasyllok bad ki hashuwa ban shim ia kano kano ka rai ba hadien”.
 sha palat 7000 ngut ki nongtrei ASHA ka Jylla hapoh ka 24 tarik Kyllalyngkot.){kind=link}