Shillong, Nohprah 17: Ka North Eastern Hill University Non-Teaching Staff Association (NEHUNSA) ka la kyntait ia ka jingkam jong u Pro Vice-Chancellor, Prof S Umdor, ba iadei bad ki jinglah treikam (achievement) ha ka samoi treikam jong u.
Ha ka kyrwoh ha ka sngi Balang, ka NEHUNSA kala ong “Ngi da kyndit bad sngew kynrum kynram halor ki jinglah treikam bala kam da u Pro-VC barim, ha kaba ula ong ba hapoh ka samoi treikam jong u kum, ka Ophis Pro-VC kala lah ban leh ia ki kam kiba heh kynthup ka jingkyntiew kyrdan ia ki Nongtrei (Non-Teaching) staff lyngba ka Departmental Promotion Committee (DPC)”.
Ka NEHUNSA ka pynshai ba ym don satia ki nongtrei Non-Teaching kiba la ioh kiew kyrdan, kaba long pyrshah ia ka jingkam u ProVC.
Ka Association kala kyntait ruh ia ka jingkam ba la dep pynkhreh ia ka jingpynbna laitkam ban thungkam ia ki nongtrei Non-Teaching, haba pynpaw ba ka jingpynbna laitkam ba hashuwa, kala kut noh bad ka dei ka ban dang khein kut ia ka.
“Ngi kwah ban pynshai ba haduh mynta ym pat don ki nongtrei Non-Teaching staff kiba la ioh kiew kyrdan, kaba dei kawei na ki mat bala leit rah hakhmat ka Ophis jong ki borkhmih” ong ka NEHUNSA.
Ka Association kala buh jingkylli ia ka jingkam u Pro-VC, da kaba ong ba ka NEHUNSA kam don jingtip satia bala dep pynkhreh ia ka jingpynbna laitkam ban thungkam ia ki nongtrei Non-Teaching Staff.
 ka la kyntait ia ka jingkam jong u Pro Vice-Chancellor, Prof S Umdor, ba iadei bad ki jinglah treikam (achievement) ha ka samoi treikam jong u.){kind=link}