-->

Kyntait ka MIDC ba kynnoh thmu thied jaka ha Umtham ha ka dor T.21 klur

Date:

Share post:

Shillong, Nailar 21 : Ka Meghalaya Industrial Development Corporation Ltd (MIDC) kala kyntait war ia ki jing kynnoh ba ka dang pynkhreh ban thied ia ka jaka ba 14 acre ha Umtham, Ri-Bhoi, ha ka dor ba T.450 shi square feet, kaba long baroh haduh T. 21 klur.

“Ngi kwah ban pynpaw hangne ba kine ki jingkynnoh ki dei kiba bakla bad ki bym don nongrim. Ka MIDC kam don jingthmu, tyrwa, ne pyrshang ban thied jaka ha Umtham lane ha kano kano ka jaka ha Ri-Bhoi District ia mynta” ong ka MIDC ha ka kyrwoh ba pynmih ha ka sngi Balang.

“Ngi la ioh pdiang ruh ia ki shithi na ki katto katne ki kynhun halor kane ka kam. Ngi shim ia kane ka kabu ban pyntip sha ki, bad ki paidbah, ba kine ki khubor ki dei ki bym shisha bad ym dei ruh ban ngeit iaki” kala ong.

Ka MIDC kala pynpaw ba kala aiti ialade ban treikam da ka jingshai bad ban pyniar ia ka kam pynroi ia ka jing seng karkhana ha Meghalaya ha ka lynti kaba khuid bad kaba don ka jingkitkhlieh.

Ia kane ka kyrwoh la pynmih hadien ka jingai dorkhas jong ka seng Hynniewtrep National Youth Front (HNYF) bad Ri Bhoi Youth Welfare Organization (RBYWO) sha u Myntri Rangbah ka Jylla Conrad K Sangma ha ka 18 tarik Nailar.

Kine ki arseng kila dawa ia ka Sorkar Jylla ban pynsangeh ia ka jingtyrwa ban thied jaka da ka Meghalaya Industrial Development and Finance Corporation (MID&FC) lane ka Meghalaya Industrial Development Corporation (MIDC) ha shnong Umtham, Ri Bhoi District.

Kine ki arseng ha ki dorkhas kila kynnoh ba ka jingtyrwa ban thied ia ka jaka ba 14 acre ha ka dor ba T.21 klur, kaba mut ba shongdor T.450 shi square foot ka long kaba palat liam.

Share post:

-->
spot_img

Popular

More like this
Related

SPL 2025| Kiew ka Mylliem na u pud ban hiar kyrdan | Hiar noh ka Nongrim Hills

Shillong, Risaw 8: Ki ar kol u Alem Khongwir,...

Iaroh ka BJP ia ka Sorkar ba pynduh ia ka interview ha ka thungkam ia ki Grade-IV

Shillong, Risaw 08: Ka Meghalaya Bharatiya Janata Party (BJP)...

Sam ka DC da ki kor Digital ban lah pyntreikam bha ia ka MRSSA 2016 ha EKH

Shillong, Risaw 8: Ka Ophis jong ka Deputy Commissioner...

BJP asks Meghalaya Govt to allow final-year grads to appear for MCS/MPS exams

SHILLONG, OCT 8: The state BJP has demanded the...