Shillong, Nohprah 03 : Ka Iingkashari Meghalaya High Court kala kyntait ia ka mukotduma ba kyrpad ban weng noh ia ka kyndon ha ka Office Memorandum (OM) ka Sorkar ba pynmih ha ka 5 tarik Lber, 2021, ba ka jingaplai ia ka Propecting Licence ne Mining Lease ka dei ban long ia ki jaka ba ym duna ia ka 100 hectare.
Ha ka hukum ba la pynmih ha ka sngi Nyngkong, ka Iingkashari kaba khlieh da u Justice HS Thangkhiew kala ong “Haba pule ia ka minutes kumba la sot haneng, ka pyni b aba watla ka jaka kat kum ka SOP la buh ban long 1 sq.km, kata 100 hectare, ka jingtyrwa ban pynduna ia ka jaka sha ka 50 hectare, lah ieh ban sa shong bishar hadien habud, kumta, kam mut ba ka jingbuh ia ka 100 hectare ka dei kaba khatduh, bad ka bym shong bishar thymmai shuh da ka Sorkar Jylla”.
“Namar kata, ha ka jingsngew jong kane ka Iingkashari, ka SOP kaba la pynmih lyngba ka Memorandum ba 05.03.2021, kam shym la don jingduna na u pud u sam lane ka jingbym biang ha kano kano ka rukom, naba ia kane la leh kat kum ka hukum jong ka Iingkashari Supreme Court ha ka mukotduma ka Jylla Meghalaya pyrshah ia ka All Dimasa Students Union, ki kyndon jong ka MMDR Act bad Mineral Concession Rules, bad kat kum ka jingbthah jong ka Ministry of Coal “ kala ong.
Ka hukum kala ong ruh “Kawei pat ka jingiasaid jong u nongmudui haba iadei bad ki kyndon ka Meghalaya Mines & Minerals Policy, 2012 lane ka Meghalaya Minor Rules 2016 bad ruh ka Meghalaya Minerals (Prevention of illegal Mining, Transportation and Storage) Rules, 2022, ym shym la khein donkam satia naba kim dei kiba treikam lane don jingiadei bad kane ka mukotduma. Kumta, halor kine ki jingshisha bad ka jinglong ka mukotduma, kumba la iakren haneng, kane ka writ petition ka dei ka bym don nongrim bad la pynwai noh ia ka” kala ong.
 ka Sorkar ba pynmih ha ka 5 tarik Lber, 2021, ba ka jingaplai ia ka Propecting Licence ne Mining Lease ka dei ban long ia ki jaka ba ym duna ia ka 100 hectare.){kind=link}