Shillong, Rymphang 20 : Ka Iingdorbar Thaw Ain ka Jylla kala kyntait ban pdiang lyngba ka voice vote ia ka Meghalaya Lokayukta (Amendment) Bill, 2024 kaba la wanrah da u MLA ka VPP na North Shillong Bah Adelbert Nongrum.
“Ki No kila jop, ym lah ban pyniaid shakhmat ia ka motion bad ia kane ka bill ym pdiang satia ban wanrah hapoh ka Jylla. Ka bill namar kata kala shah kyntait da ka Iingdorbar” ong u Lamphang Thomas A Sangma hadien ba la buh ia kane ka bill ban ia vote.
Haba wanrah ia kane ka bill, u Bah Adelbert ula ong ba ka amendment jong ka Lokayukta act, 2021, kala pyntroin ia ka jingtreikam jong ka Lokayukta hapoh ka Jylla, da kaba wanrah ia ka jingkylla halor ka jingdon ki dkhot ka Lokayukta bad ka jingdon ki Judicial Bench ka bym iahap shuh bad ka bill ba wanrah nyngkong duh.
Ula kynnoh ruh ba ka Meghalaya Lokayukta Act ba mynta kala pynduh noh ia ki kyndon kiba kongsan kiba iaid lang naka Lokpal bad Lokayukta Act jong ka Parliament.
Pule lang ia kane: Kular ka Sorkar ban bishar ia ka jingbuh MSP ia u kwai : CM
Peit lang ia kane
 Bill, 2024 kaba la wanrah da u MLA ka VPP na North Shillong Bah Adelbert Nongrum.){kind=link}