spot_img

Kynrum kynram Mawjymbuin | “Ngin ym ailad iaka seng Hindu ban iakhih ha u pud u sam ka Ri-Bhoi” Ong ki bor District

Date:

Share post:

Nongpoh, Nohprah 23: Ki bor pyniaid district ka Ri Bhoi District kynthup ki bor pulit ka district ki la kren tikna ba kin nym ailad da leilei ruh ia ka kynhun shit niam jong ka Kutumba Surakshya Parishad (KSP) ban ioh pynlong ia kano kano ka jingiakhih ha ka thaiñ Byrnihat kumba ka la byrngem ban mih ia khih da kaba khang ia ki kali ha ka 24 tarik Nohprah 2024.

Lah ban kdew ba kane ka kynhun shitniam hindu jong ka KSP ki la byrngem ban mih iakhih paidbah ha ka thaiñ Byrnihat bad Khanapara ha Ri Bhoi District lada ka sorkar jylla kam shim ia ka rai ban ailad mane blei hapoh ka krem Mawjymbuin kaba don ha Mawsynram, ha kaba la byrngem ruh ba lada ka sorkar jylla Meghalaya lyngba u Myntri Rangbah ka jylla kim lah ban shim ia ka rai ban ailad mane blei ha kane ka krem ka kynhun jong ka KSP kam banse ban shim da ki lad jingiakhih ba tyngeh.

Haba kren bad u Deputy Commissioner ka Ri Bhoi District u Abhilash Baranwal bad u Superintendent of Police, u V.S Rathore, ki la pyntip ba ki bor pyniaid district ki la shimkhia ban peitngor halor kane ka jingbyrngem iakhih ka kynhun shitniam hindu jong ka KSP bad ban pahara tyngeh ha kine ki thaiñ ban iada ia kano kano ka jingbym shngain ka suk ka sain bad ruh ban pyntikna ba kan nym don kano kano ka jingshah pynthut ha ka jingrakhe ia ka Christmas.

Ki la pyntip ruh, ba ki bor district ka Ri Bhoi District ki la dep ruh ban ia kren bad ki bor district bad pulit ka Kamrup Metro ban peitngor lang halor katei ka jingthmu iakhih jong ka KSP la ka dei ha ka liang u pud u sam ka Assam ne Meghalaya bad ban nym ailad da leilei ia kano kano ka kynhun ban pynlong ia ka jingiakhih paidbah bad la pynkhreh ruh ia ki bor pahara kiba khlaiñ ha kine ki thaiñ.

Share post:

spot_img
spot_img

Popular

More like this
Related

Assam records sharp decline in crime, surge in convictions: CM Sarma

Guwahati, Aug 29: Assam Chief Minister Himanta Biswa Sarma...

Kynnoh thmu leh beijot u Pulit Assam ia iwei i khynnah ha shnong khappud Ri-Bhoi

Nongpoh, Nailar 28 : Uwei u Pulit Assam la...

Ujor ki kynhun ka WKH sha u DC ba iai kyntur pud ka Assam ha Langpih

Nongstoin, Nailar 28 : Ki kynhun bapher bapher ka...

Shillong Premier League | Pynliem ka Nangkiew Irat da 5-1 kol ia ka Sawmer

Shillong, Nailar 28: Ka Nangkiew Irat kala pynrem ia...