Shillong, Jylliew 24 : Ka Executive Committee ka Voice of the People Party (VPP) ha Khasi Hills Autonomous District Council (KHADC) la kynnoh ba kala wanrah ia ka mang tyngka 2025-2026 kaba long bei-riti (unconstitutional), kaba pynbor ia ka kynhun Liang Pyrshah ban phet jyndat syndon napoh ka Iingdorbar.
Ka kynhun Liang Pyrshah ba kynthup ia ka NPP bad UDP bad kiwei, kila pyrshah jur ia ka mang tyngka bala wanrah da ka EC ka VPP ha ka Dorbar Lyiur ba sdang hynne ka sngi Ba-ar, namar ka jingbynrap lang ia ki supplementary demand ha ka mang tyngka ba pura.
U Chairman ka Iingdorbar ula hap ban pynwai shipor ia ka Dorbar ha ka por mynstep namar ka jingbym ailad ka Liang Pyr shah ban wanrah ia kane ka mang tyngka, kaba thmu ban wanrah da u Executive Member ka tnad Finance Seiborlang Warbah. U Chairman ula pynbna ban khot biang ia ka Dorbar ha ka por 2 baje ban ailad ia ka Executive Committee ba kan wanphai ha ryngkat ki jingpynshai.
Haba pynbteng ia ka Dorbar ha ka por janmiet, ka Executive Committee kala wanrah biang da kajuh ka mang tyngka khlem kano kano ka jingpynbeit, kaba la pynbor ia ka kynhun Liang Pyrshah ban phet jyndat syndon napoh ka Iingdorbar.
Ki Nongialam ka Liang Pyrshah kila kynthoh ba kane ka mang tyngka bala wanrah da ka VPP ka dei kaba long bei-riti bad kaba iaid pyrshah ia ka riti synshar paidbah. Kila pynpaw ba da lei lei ruh kin ym pdiang ia kum kane ka mang tyngka,
 ha Khasi Hills Autonomous District Council (KHADC) la kynnoh ba kala wanrah ia ka mang tyngka 2025-2026 kaba long bei-riti (unconstitutional), kaba pynbor ia ka kynhun Liang Pyrshah ban phet jyndat syndon napoh ka Iingdorbar.){kind=link}