Shillong, Risaw 25: U nongwad RTI bah Disparsing Rani hynne ka sngi ba-ar ula thoh sha u Chief Secretary (CS) bad u Director General of Police (DGP) ka jylla ba buh jingkylli ia ka jinglong kynrum kynram ha ka jingpynkiew kyrdan ia ki Pulit pynlip ding jong ka Tnad Fire Service.
Une u nongwad RTI ula kynnoh ba ka jingpynkiew kyrdan ka long ka bym ithuh ithaw haba jied ia ki nongtrei kat kum ka jingdei hok jong ki ban kiew kyrdan da kaba pynshong nongrim na ka jingtrei shuwa ia ka kam (seniority)
Haba kren sha ki lad pathai khubor, u bah Disparsing u la ong ba katkum ka kaiphod RTI ba la iohpdiang ha ka 27 September, ka don ka jingartatien haba iadei bad kito kiba shah kyntiew kyrdan na ka kam Leading Fireman sha u Sub Officer Station Officer.
Une u Rangbah u la kam ba katkum ka kaiphod RTI ba la ai da u PIO jong ka ophis Superintendent of Police (F&ES), la kdew Shai ba ki Station Officer bad ki Sub-Officer kiba shah kyntiew kyrdan na ka kam Leading Fireman la pynshong nongrim katkum ka snem ba ki la trei ha ka kam.
“Haba nujor bad ka sngi thungkam ne ka Enlistment/Joining, kam long shai haba iadei bad ka jingpynkiew kyrdan la kadei lyngba ka jingtrei slem ha ka kam bad ka kaiphod ka kdew ba ki nongtrei ba trei hadien kila kiew kyrdan shwa ban iaki nongtrei ba la trei slem” la kynnoh u bah Disparsing.
Halor kane u bah Disparsing ula kyntu ia u CS bad DGP ban pynshai halor kane ka jinglong kynrum kynram ka rukom pynkiew kyrdan ha ka Tnad Fire and Emergency Services Shillong.
