Shillong, Naitung 12: U MP ka Shillong bah Vincent Pala u ba dei ruh u president ka Meghalaya Pradesh Congress Committee (MPCC) hynne ka sngi Balang, ula kynnoh baka BJP ka thmu ban leh daka bor ban pyntreikam iaka Uniform Civil Code (UCC).
Haba kren sha ki lad pathai khubor u bah Pala ula kynnoh ba lyngba ka UCC, ka BJP ka thmu ban pynkylla iaka ri India kum ka ri kaba don tang kawei ka Ri, kawei ka niam, kawei ka ktien bad kumta ter ter.
“Hynrei ka ri India ka kiew namar ka jingdon ka jingiakhleh ki jaidbynriew ym ba don ka UCC bad ka BJP ka kwah ban leh daka bor ban pynkylla iaka ri India tang kawei ka ktien, kawei ka niam hynrei kam lah satia namar ha India la im daka jingiakhleh lang baroh bad ka jinglong tylli baroh”.
U bah Pala ula kam ba haduh mynta ka sorkar India kam pat pynmih paidbah iaka Draft haba iadei bad ka UCC hynrei kala shu shaniah haka sorkar jylla Uttarkhand ban Draft iaka UCC Bill.
Ula ong baka sorkar India lyngba ka Law Commission kala pan ruh ka jingai jingmut na ki paidbah. “Nga la phah iaki jingai jingmut shaka Law Commission bad nga la iakren bad ki Synnod, ka Balang Katholik bad kine ruh kila thoh shaka sorkar Commission bad shaka sorkar India bad nga la thoh ruh sha u Myntri Rangbahduh ka ri India ban pyllait iaka jylla Meghalaya lada pyntreikam iaka UCC”.
Pule lang ia kane: “Ngeit ka UDP ha ka jingialong kawei ki Jaidbynriew hapoh ka Ri India” : Paul
