spot_img

Kynnoh u Heh ka NPP ba pyndonkam ka BJP ia ka ED bad CBI kum ki atiar kam sain pyrthei

Date:

Share post:

Shillong, Nailur 05: U National Vice President ka National People’s Party (NPP) bad Symbud Myntri Rangbah ka Jylla Bah Prestone Tynsong hynne ka sngi Nyngkong, u la kynnoh ia ka BJP ba ka pyndonkam ia ka Enforcement Directorate (ED) bad ka Central Bureau of Investigation (CBI) kum ka atiar ban myntoi ha ka sain hima sima.

U Bah Prestone u la ong ruh ba ka la “slem palat” ia ka BJP ban mih noh na ka sorkar Meghalaya Democratic Alliance (MDA).

U Bah Prestone ula kynthoh ia kane halor ka jingpynpaw jong u National Vice President ka BJP ba khmih ia ka Meghalaya u Dr Chuba Ao ba ong ba hapoh ka shibnai, ka BJP kan sa shim ia ka rai la kan weng noh ne em na ka sorkar MDA ba ialam da ka NPP.

“….ka pyni ba ka BJP ka pynshisha da kaba shai kumba kynnoh ka AAP ne ka TMC ba ka pyndonkam ia ka ED lane CBI kum ka atiar ban myntoi ha ka sain hima sima” ong u Bah Prestone haba iakren bad ki nongthoh khubor.

Haba niew ia ka kum ka buit politics, u Symbud Myntri Rangbah ka Jylla ula ong “Kane ka dei tang ka buit politics da kita ki High Command jong ka BJP lane jong u shimet (Dr Ao) ia kaba ngam tip satia hynrei ka rukom pynmih ia ki jingkynnoh na ka por sha ka por ka I kum ka buit politics”.

Haba pynpaw ba ka NPP ka pdiang ia ka rai jong ka BJP ban weng noh ialade na ka sorkar MDA, u Bah Prestone ula ong “Ka Sorkar MDA hapoh ka jingialam u Conrad K Sangma bad kumjuh ruh ka nongrim jong nga ka long kaba shai bha ba lada ki kwah ban mih noh naka Sorkar MDA, ngi pdiang sngewbha hynrei ngi i ba kala dier pat ka por”.

Haba kylli, une u Nongialam ka NPP u la ong ba ka BJP kala pyrshang ban iada ialade. “Nyngkong ki kwah ban iada ialade. Ki iada ialade da kaba pyndonkam ia ka ED bad CBI ia kaba ki paidbah ki sngewthuh bha. Ka rukom kren jong u Incharge ka BJP Meghalaya Dr Ao “Ngin sa shong mardor, ngin sa mih noh naka Sorkar bad ka ED bad CBI kan sa wan ka paw shai ba ka BJP ka pyndonkam ia kine ki tnad ban myntoi ialade”.

Ha kajuh ka por, u Bah Prestone u la kob ia ka BJP da kaba ong “Ha ka jingshisha, nga kwah ban ai jingmut ba balei ym phah shuwa ia ka ED bad CBI mynta hynrei ban ap haduh da mih naka Sorkar lada phi sngew ba phi khuid. Kane hi ka paw shai ba ka dei tang ka buit politics”.

Share post:

spot_img
spot_img

Popular

More like this
Related

Angnud ka Sorkar Jylla ban iaid pynsngewthuh paidbah shaphang ka juk “Meghalaya Age”

Shillong, Risaw 18 : U Myntri Rangbah ka Jylla...

Dawa ka AKMTTA ban pyntreikam da ka Reciprocal Transport Agreement ha Jylla ban pynsuk ia ki kali tourist

Shillong, Risaw 18: Ka All Khasi Hills Tourist Taxi...

Wan ka ‘Rapture’ ha Shillong naduh ka 7 tarik Naiwieng

Shillong, Oct 18: Ka phlim Rapture kaba la ioh...

Rapture: Dominic Sangma’s award-winning film to premiere in Shillong

Shillong, Oct 18: The critically acclaimed film Rapture by...
spot_img