Shillong, Nohprah 27: Ka KHNAM State Youth Wing hynne ka sngi ka kynnoh kuman ia ka Meghalaya Democratic Alliance (MDA) halor ka jingdawa weng noh ia ka personal interview ha ka jingthung kam ha ki Group, B, C bad D ka pynpaw ba kine baroh kim don ka jingkit khlieh halor ka jingkyrduh kam ki samla.
Ka kyrwoh na u president ka KHNAM Youth Wing bah Thomas Passah, ka pynpaw baka seng ka la dep ban ai ka jingthoh sha ka sorkar jylla, ba ha Meghalaya ruh dei ban pynduh noh ia ka jingkhot personal interview kumba la leh ha baroh kiwei pat ki jylla ha ka Ri India.
“Ngi sngewsih ba ka sorkar kam patiaw bad wat ki MLA bad ki seng sain hima haka jylla ruh ki long kiba kyllut bad kiba matlah” la ong u bah Thomas.
Halor kane u bah Thomas u la pynpaw ba na ka liang ka seng namar ka jingleh kuman jong la sorkar kam banse ban shim da kiwei pat ki sienjam ban pynthikna ia ka jingkhuid jingsuba ja ka thungkam thung jam.
