Shillong, Jylliew 07: Ka Khun Hynniewtrep National Awakening Movement (KHNAM) hynne ka sngi Balang kala pynpaw ia ka jingbynniaw halor ka jingbym shimkhia ka Khasi Hills Autonomous District Council (KHADC) pyrshah ia u bar jylla uba la ioh ia ka kam Kontrak ha North Eastern Regional Institute of Health and Medical Sciences (NEIGRIHMS).
“Ka seng kala ujor pyrshah ia uwei u bar Jylla uba kyrteng u Singhania halor ka jingioh Kontrak ha NEIGHRMS, khlem ka jingdon ia ka Trading License kaba biang. Ngi pynpaw ka jingsngewsih halor ka jingbym lah jong ka Council ban pyndonkam ia ki bniat ka Ain ban weng ia utei u bar Jylla na katei ka kontrak kaba ula ioh” ong u Working President ka KHNAM Bah Thomas Passah .
Ula ong,“Kane ka pynpaw ia ka jingtlot ka rukom treikam ka Council bad kane ka pynshlur pat ia kiwei ban iaid pyrshah ia ki kyndon ka Council ha ki por ban wan. Ngi sheptieng ioh kat da shim kam ka Council ka Kontrak jong une u bar jylla kan kut hi noh.
“Ka seng kala ioh ia ka khubor ba une u bar jylla u don tang kawei ka Trade License ia kaba u pyndonkarn ban trei bunjait ki kam khaii kaba long pyrshah ia ka Regulation jong ka council. Ha kaba iadei bad ka NEIGRHMS ngi kwah ban pynpaw ba ula pyndonkam da ka License ban suplly tiar ban trei pat ia ka kam ka bym iahap bad ka license kaba u don” la pynkut u Bah Passah.
 hynne ka sngi Balang kala pynpaw ia ka jingbynniaw halor ka jingbym shimkhia ka Khasi Hills Autonomous District Council (KHADC) pyrshah ia u bar jylla uba la ioh ia ka kam Kontrak ha North Eastern Regional Institute of Health and Medical Sciences (NEIGRIHMS).){kind=link}