Nongstoiñ, Jylliew 14: Ka Hynñiewtrep Youths Council HYC West Khasi Hills District ha ka jingïalam u samla Lumlang Kharsyiemlieh President bad samla Losbingnel Lyngkhoi, ka la leit ïakynduh ïa u EE WKH Distribution Division MePDCL Nongstoiñ halor ka jingkiew ka Bill Light wat hapdeng ka jingtreikam jong Load Shedding ne pynlip bording.
Ka seng ka la ong ba kumno ka MeECL kala pynlip ia ka bording haduh 12 kynta shi sngi lane 5 sngi ha ka shitaiew, hynrei ka Bill ka dang iai neh kumjuh. Hooid ka don ka fixed charge hynrei ka Bill ka dei ban duna hynrei kumno haba ym don light ka Bill ka ïaid beit ong u nongïalam HYC.
Ka seng ka dawa ban ban pynduna bad ki dei ban shna bha nangne shna khmat ia ka bill, namar kane ka ktah ïa ki paid bah bad long kumba lute ïa ka hok ki paitbah. Na ka liang u JE u la ong ba un sa shimkhia ban ïakren ïa kane ka kam.
