Kynnoh ba rahbor ki runar їa ka samla sha khlaw bad leh beijot

Date:

Share post:

Nongstoiñ, Nailur 1: Ha kawei ka jingjia kaba dang jia ha ka miet 30 tarik u Nailar, kawei ka samla na ki thaiñ Riangdo kaba la buhrieh noh їa ka kyrteng, la kynnoh ba kala shah patan jubor ha ki laingut ki runar sha kawei ka khlaw bad shah leh beijot ha kine ki runar.

Kat kum ka khubor Pulit, kane ka samla kala leit sha ka jingkhawai dap snem їa ka jingkhlad noh jong u ba haїing jong ka ha shnong Mawstieh, hynrei kam shym la wan poi sha їing haduh ka por shiphew baje mynmiet.

Namar ka jingslem wanphai iing, kiba haїing ki la pyntip sha ki rangbah shnong bad ki nongshong shnong kiba la їa mih ban leit wad їa kane ka samla hynrei kim shym la lap satia.

Hadien katto katne por, uwei u briew u ba la tip kyrteng kum u Stephan Kharbani u la pyntip ha kiba ha їing ba u la їohi ba lai ngut ki samla shynrang kiba la tip kyrteng kum u Welborn Nongbri, Restoland Nongbri bad u Pyntngen Rynñiaw, la kynnoh ba ki la patan jubor їa katei ka samla sha khlaw.

Kiba ha їng ryngkat ki paitbah shnong mar їa їoh jingtip ki la leit phah wan mih їa kine ki laingut ha khmat ka dorbar bad ha ka jingtohkit bniah, ki la їathuh ba ha ka miet 30 tarik hadien ba ki la wan phai na ka jingkhawai dap snem, katei ka samla ka la leit on їa u paralok bad la synran lang da u Stephan Kharbani u ba dei ruh u samla jong ka.

Ha ka por ba ki wan phai la kynnoh ba u Welborn Nongbri u la wan ap lypa ha shiteng lynti bad u la patan jubor їa katei ka samla sha khlaw bad u la leh beijot, katba u Restoland bad u Pyntngen ki la phet noh na katei ka jaka.

La kynnoh ruh ba u Stephan Kharbani u ba dei u samla jong katei ka kynthei u la leh beijot їa ka la bunsien ha ki taїew bad ki bnai ba la dep.

Hadien ba ki rangbah shnong ki la dep tohkit ki la leit ban aiti noh ia kitei ki laingut ha ki pulit bad їa ka mokutduma la register ha ka Mawshynrut PS C/NO 15(08)2022U/S 341IPC R/W SEC .3(a)/4 POCSO ACT. Ka jingtohkit їa kitei ki runar ka dang їaid shakhmat.

Share post:

spot_img

Popular

More like this
Related

Thung biang ka NPP ia u Conrad kum u National President ha ka sien ba saw

New Delhi, Lber 15 : U Myntri Rangbah ka...

CAG recommends relocation of teer counters near schools and worship places

Shillong, March 15: The state government has been recommended...

Over 250 illegal teer ticket sales detected in six years: CAG report

Shillong, March 15: Over 250 cases of illegal sale...

Ai jingmut ka CAG ia ka Sorkar ban pynkynriah lut ia ki dukan tim najan ki jaka pule bad Iingmane

Shillong, Lber 15: Ka Comptroller & Auditor General (CAG)...