Shillong Nailur 01: Ka University of Science and Technology-Meghalaya (USTM) hynne ka sngi u Blei, kala kynmaw burom ia ka sngikha kaba 77 jong u (L) PA Sangma u Lamphang barim ka Lok Sabha bad u Myntri Rangbah barim ka jylla Meghalaya.
Ha katei ka jingrakhe ïa ka jingdap 77 snem jong u PA Sangma, ka USTM kala kynmaw burom da kaba buh syntiew bad ban kynmaw ia u, kum u nongthawain uba long ka nuksa bad u nongai mynsiem ia kiwei pat.
U Mahbubul Hoque, Chancellor ka USTM ula pynpaw ba u PA Sangma udei u nongialam uba la ai mynsiem bad ai ka jingkyrshan kaba khraw ia ka USTM naduh ba la sdang ia ka.
“Ka jingkynmaw ia u ka long kum ka jingshai kaba ialam ia ngi,” la ong u Hoque bad ka pyntip ba ka PA Sangma International Medical College and Hospital kan dei ka jaka sumar kaba paka bha kaban dei ka Multi-Specialty Facility kaba la mynjur da ka kynhun myntri jong ka Sorkar Meghalaya, kum ka jingai burom ia u PA Sangma.
Katba u Prof GD Sharma, Vice Chancellor ka USTM, ula ban jur ia ka jingaiti met bad mynsiem jong ka USTM ban pynneh bad ban pynsah jingkynmaw ia u (L) PA Sangma.
“Ka USTM, kala kynmaw burom ia u da kaba thaw ia ka Chair for Tribal Research bad da kaba ai kyrteng ia kawei ka University Block ha ka kyrteng jong u. Kine ki sienjam kin pynthikna ba ki pateng ban wan, kin dang bteng ban ïoh mynsiem na ka jingim bad ki jinglong ka jongu.”
Ka Dr. Rashna Dass Hazarika kaba long ka Medical Superintendent jong ka PIMC kala ïaroh ïa u (L) PA Sangma kum u nongïalam ba ïohi jngai bad u nongseng ïa ka National People’s Party (NPP) kaba dei ka seng saiñpyrthei kaba nyngkong eh na ka thaiñ Shatei Lammihngi.
“Ki matti treikam ki jongu kin iai ai mynsiem ia ki ngi bad ngi sngewnguh junom ia u,” kala pynkut.
