Shillong, Nohprah 30: Ki paidbah ka jylla hynne ka sngi Nyngkong, kila rakhe kynmaw burom ia ka lyngkhuh sngi iap kaba 162 jong u Nongialeh laitluid Woh Kiang Nangbah, ha u Mot uba don hajan ka Shillong Civil Hospital.
“Ngi ialum hangne kum ka dak ban burom ia u woh Kiang Nangbah, u riewshlur ba shisha jong ka jylla” ong u Bah Thomas Passah, Working President jong ka Khun Hynniewtrep National Awakening Movement (KHNAM). “Wat hadien jong ka 162 snem ruh, ka jingaiti bad ka jingshlur ka jongu ka dang iai bteng ban ai mynsiem ia ngi”.
U Bah Passah ula ban jur ia ka jingkongsan ban kynmaw burom ia u Kiang Nangbah bad ia ka jingnoh synniang ka jongu ia ki paid riewlum Khasi-Jaintia.
“Ka long kaba sngewsih ba ka pateng kaba mynta kala klet ia ka jingkongsan jong ka jingaiti jong u Kiang Nangbah. Ngi dei ban rakhe ia kane ka sngi da ka jingsngewsarong ban kyntiew ia ka jingsuk bad jingaitylli hapdeng ki briew ki jong ngi”.
U Bah Passah ula kynthoh ruh ia ka sorkar halor ka jingbym rakhe iaka lyngkhuh sngi iap jong u Kiang Nangbah kaban long kaba heh bad kaba shongkun.
“Ka long kaba sngew bynniaw ba ka sorkar kam shym la ithuh ia ka jingkongsan jong kane ka sngi. Ngin bteng ban pynbor ia ki ban ai ia ka jingithuh kaba kongsan ia u Kiang Nangbah kumba u dei ban ioh” ula ong.
Ka KHNAM kala kyntu ruh ia ki District Council ban pynieng ia u mot sahnam jong u Kiang Nangbah ha ki ophis jongki District Council ha u snem ban wan.
“Ngin ym shongthait katba iaka burom kaba u Kiang Nangbah u dei ban ioh kam pat long kaba seisoh” ula ong.
U Kiang Nangbah u dei u khla wait ka ri uba la iakhun pyrshah ia ka sorkar phareng ha ki spah snem kaba 19. Ula ialam ban iakhun pyrshah ia ka jingsynshar ka ri Bilat ha u snem 1862, hynrei wat la kam shym la long kaba seisoh hynrei ula pynsahnam pat ialade haka histori jong ka jylla naka bynta ban iakhun ban pynioh ia ka jinglaitluid.
